25977 ۔۔۔ حضرت انس (رض) سے روایت ہے ، فرماتے ہیں : ابی بن کعب (رض) ، حضرت براء بن مالک (رض) سے ملے تو پوچھا : آپ کو کیا چیز پسند ہے ؟ تو حضرت ابراء نے فرمایا : ستو اور کھجور ، پس وہ چیزیں آگئیں اور انھوں نے سیر ہو کر کھا لیں ، پھر حضرت براء نے یہ معاملہ نبی کریم (صلی اللہ علیہ وآلہ وسلم) سے ذکر کیا تو آپ (صلی اللہ علیہ وآلہ وسلم) نے فرمایا : اے براء ! خوب سمجھ لو کہ جو شخص اپنے بھائی کے ساتھ ایسا معاملہ کرے اور وہ کسی قسم کے بدلے اور احسان مندی کا طالب نہ ہو تو اللہ تبارک وتعالیٰ اس کے گھر دس فرشتوں کو بھیج دیتے ہیں جو اس کی طرف سے ایک سال تک اللہ کی پاکی بیان کرتے ہیں اور تہلیل کرتے ہیں (لا الہ الا اللہ کہتے ہیں) اور اللہ کی بڑائی بیان کرتے ہیں اور اس شخص کے لیے استغفار کرتے ہیں۔ جب سال پورا ہو اجاتا ہے تو اس شخص کے لیے ان ملائکہ کی عبادت کے مثل عبادت لکھ دی جاتی ہے اور اللہ تعالیٰ اس کو جنت کی پاکیزہ چیزوں سے کھلائیں گے دائمی جنت میں اور ایسی بادشاہت میں جو کبھی ختم نہ ہوگی ۔ (ابو نعیم وفیہ خالد بن یزید)