26737 ۔۔۔ پھر تو میں نہیں دو باتوں کا حکم کرتا ہوں ان میں سے تم جس ایک کو بھی اختیار کر لوگی دوسری سے بےنیاز ہوجاؤ گی اگر تمہارے اندر دونوں کی طاقت ہو تو تم بہتر جانتی ہو چنانچہ آپ (صلی اللہ علیہ وآلہ وسلم) نے حمسنہ (رض) سے فرمایا : یہ استحاضہ شیطان کی لاتوں میں سے ایک لات مارنا ہے لہٰذا تم چھ یا سات دن حیض کے قرار دو پھر غسل کرلو اور جب تم دیکھو کہ پاک ہوچکی ہو (یعنی مخصوص ایام حیض گزر چکے) پھر تم تئیس (23) یا چوبیس (24) دن رات نماز پڑھتی رہو اور روزہ رکھتی رہو۔ یہ تمہیں کافی ہے۔ پھر ہر مہینہ میں اسی طرح کرو جس طرح عورتیں اپنی اپنی مدت پر ایام سے ہوتی ہیں اور پھر وقت پر پاک ہوتی ہیں۔ اگر تمہارے اندر اتنی طاقت ہو کہ ظہر کی نماز مؤخر کرلو اور عصر کی نماز جلدی کرلو اور غسل کر کے ظہر وعصر کی نمازوں کو جمع کرکے پڑھ لو مغرب کی نماز مؤخر کرلو اور عشاء کی نماز جلدی کرلو پھر غسل کر کے ان دونوں کو جمع کرکے پڑھ لو اور فجر کی نماز غسل کر کے پڑھ لو اور روزہ بھی رکھو اگر اس پر تمہیں قدرت ہو ۔ رسول اللہ (صلی اللہ علیہ وآلہ وسلم) نے فرمایا : ان دونوں باتوں میں سے آخری بات مجھے زیادہ پسند ہے۔ (رواہ احمد بن حنبل واصحاب السنن الاربعۃ والحاکم عن حمنۃ بنت جحش)