26798 ۔۔۔ حمران کی روایت ہے کہ میں نے سیدنا حضرت عثمان ذوالنورین (رض) کو بیٹھے ہوئے دیکھا آپ (رض) نے وضو کے لیے پانی منگوایا اور پھر فرمایا میں نے نبی کریم (صلی اللہ علیہ وآلہ وسلم) کو اپنی اسی جگہ بیٹھا دیکھا اور آپ نے اسی طرح وضو کیا جس طرح میں نے کیا ہے پھر ارشاد فرمایا : جس شخص نے میرے اس وضو کی طرح وضو کیا اس کے پہلے گناہ بخش دیئے جائیں گے نیز رسول اللہ (صلی اللہ علیہ وآلہ وسلم) نے یہ بھی فرمایا : دھوکا مت کھاؤ ۔ (رواہ ابن ماجہ وابن حبان)