26806 ۔۔۔ حمران کی روایت میں ہے کہ میں سیدنا حضرت عثمان ذوالنورین (رض) کے پاس تھا آپ (رض) نے وضو کے لیے پانی منگوایا اور وضو کیا جب فارغ ہوگئے فرمایا : نبی کریم (صلی اللہ علیہ وآلہ وسلم) نے اسی طرح وضو کیا جس طرح میں نے کیا ہے پھر آپ (صلی اللہ علیہ وآلہ وسلم) نے مسکرا کر فرمایا : کیا تم جانتے ہو میں کیوں ہنسا ہوں ؟ صحابہ کرام رضوان اللہ تعالیٰ عنہم اجمعین نے عرض کیا : اللہ اور اس کا رسول بہتر جانتا ہے آپ نے فرمایا : مسلمان بندہ جب پورا وضو کرتا ہے اور پھر نماز میں داخل ہوجاتا ہے وہ نماز سے اس طرح پاک ہو کر نکلتا ہے جس طرح اپنی ماں کے پیٹ سے نکلا تھا ۔ (رواہ سعید بن المنصور)