26863 ۔۔۔ حمران روایت کی ہے کہ سیدنا حضرت عثمان ذوالنورین (رض) نے وضو کے لیے پانی منگوایا اور پھر آپ ہنس گئے اور فرمایا : کیا تم مجھ سے نہیں پوچھتے میں کیوں ہنسا ہوں ؟ لوگوں نے کہا : اے امیر المؤمنین ! آپ کیوں ہنسے ہیں ؟ فرمایا : میں نے نبی کریم (صلی اللہ علیہ وآلہ وسلم) کو وضو کرتے دیکھا جس طرح میں نے وضو کیا ہے آپ نے کلی کی ، ناک میں پانی ڈالا تین بار چہرہ دھویا اور تین بار ہاتھ دھوئے ، سر کا مسح کیا اور پاؤں کے اوپر سے مسح کیا ۔ (رواہ ابن ابی شیبۃ)