26865 ۔۔۔ انصار کے ایک شخص سے مروی ہے کہ ایک شخص نے کہا : کیا میں تمہیں نہ دکھاؤں کہ نبی کریم (صلی اللہ علیہ وآلہ وسلم) کیسے وضو کرتے تھے ؟ لوگوں نے کہا جی ضرور دکھائیں ۔ اس شخص نے وضو کے لیے پانی منگوایا تین بار کلی کی ، تین بار ناک میں پانی ڈالا ، تین بار چہرہ دھویا تین بار بازو دھوئے سر کا مسح کیا اور پاؤں دھوئے پھر کہا جان لو ! کانوں کا تعلق سر سے ہے میں نے تمہیں ٹھیک ٹھیک سوچ سمجھ کر نبی کریم (صلی اللہ علیہ وآلہ وسلم) کا وضو دکھایا ہے۔ (رواہ ابن ابی شیبۃ، والعدنی والخطیب)