26908 ۔۔۔ ” ایضا “ ابو مطر کہتے ہیں ایک مرتبہ ہم سیدنا حضرت علی المرتضی (رض) کے پاس مسجد میں بیٹھے ہوئے تھے اتنے میں حضرت علی (رض) کے پاس ایک شخص آیا اور بولا : مجھے رسول اللہ (صلی اللہ علیہ وآلہ وسلم) کا وضو دکھاؤ آپ (رض) نے قنبر کو بلایا اور فرمایا : میرے پاس لوٹا لاؤ جو پانی سے بھرا ہو۔ چنانچہ آپ (رض) نے تین بار ہاتھ دھوئے تین بار چہرہ دھویا ایک انگلی ناک میں ڈالی تین بار ناک میں اپنی ڈالا تین بار بازؤ دھوئے سر پر ایک ہی بار مسح کیا پھر فرمایا : کانوں کا ظاہری اور باطنی حصہ چہرے میں سے ہے پھر ٹخنوں تک پاؤں دھوئے آپ کی داڑھی سے سینے پر پانی کے قطرے ٹپک رہے تھے پھر وضو کے بعد ایک گھونٹ پانی پیا پھر فرمایا کہاں ہے وہ شخص جس نے رسول اللہ (صلی اللہ علیہ وآلہ وسلم) کے وضو کے متعلق سوال کیا تھا سو نبی کریم (صلی اللہ علیہ وآلہ وسلم) کا وضو ایسا ہی ہوتا تھا ۔ (رواہ عبد بن حمید وابو مطر مجہول)