26910 ۔۔۔ ” ایضا “ ابو غریف کی روایت ہے کہ سیدنا حضرت علی المرتضی (رض) کے پاس وضو کے لیے پانی لایا گیا آپ نے تین بار کلی کی اور تین بار ناک میں پانی ڈالا پھر تین بار چہرہ دھویا پھر تین بار بازو دھوئے پھر سر کا مسح کیا اور پاؤں دھوئے پھر فرمایا : میں نے نبی کریم (صلی اللہ علیہ وآلہ وسلم) کو اسی طرح وضو کرتے دیکھا ہے پھر قرآن میں سے کچھ پڑھا پھر فرمایا : یہ وضو اس شخص کے لیے ہے جو جنبی نہ ہو اور جو جنبی ہو اس کے لیے نہ وضو ہے اور نہ ہی آیت ۔ (رواہ احمد بن حنبل وابو یعلی)