26926 ۔۔۔ عمرو بن ابی حسن کی روایت ہے کہ انھوں نے حضرت عبداللہ بن زید (رض) سے کہا : کیا آپ مجھے بتاسکتے ہیں کہ نبی کریم (صلی اللہ علیہ وآلہ وسلم) کیسے وضو کرتے تھے ؟ عبداللہ بن زید (رض) نے فرمایا جی ہاں ۔ چنانچہ آپ (رض) نے پانی سے بھرا ہوا ایک برتن منگوایا برتن کو سرنگوں کرکے ہاتھوں پر پانی ڈالا اور تین بار ہاتھ دھوئے پھر برتن میں ہاتھ ڈال کر تین بار کلی کی اور تین بار ناک میں پانی ڈالا ایک ہی چلو سے کلی کی اور نام میں بھی پانی ڈالا پھر دونوں ہاتھ برتن میں داخل کیے اور پانی لے کر تین بار چہرہ دھویا پھر کہنیوں تک ہاتھ دھوئے اور دو دو مرتبہ دھوئے پھر دونوں ہاتھوں میں پانی لے کر سر کا مسح کیا پہلے ہاتھ پیچھے لے گئے اور پھر پیچھے سے آگے لائے پھر ٹخنوں تک پاؤں دھوئے ۔ پھر فرمایا : میں نے اسی طرح رسول کریم (صلی اللہ علیہ وآلہ وسلم) کو وضو کرتے دیکھا ہے۔ (رواہ سعید بن المنصور)