26988 ۔۔۔ حضرت جابر (رض) روایت کی ہے کہ نبی کریم (صلی اللہ علیہ وآلہ وسلم) نے موزوں پر اور عمامہ پر مسح کیا ۔ (رواہ ابن عساکر) ۔ فائدہ : ۔۔۔ سر کی بجائے عمامہ پر مسح کرنے کا جواب امام احمد بن حنبل (رح) کے ہاں ہے پھر ان کے ہاں یہ بھی ہے کہ مسح کی سنیت یا فرضیت عمامہ پر مسح کرنے سے حاصل ہوجاتی ہے جبکہ احناف شوافع مالکیہ کے نزدیک عمامہ پر مسح کرنا جائز نہیں ۔ پھر امام احمد (رح) کے ہاں مسح علی العمامہ کے لیے شرائط ہیں۔ 1 ۔۔۔ عمامہ طہارت پر باندھا گیا ہو۔ 2 ۔۔۔ عمامہ پورے سر کو ڈھانپے ہوئے ہو ۔ 3 ۔۔۔ مسلمانوں کے طریقہ پر عمامہ باندھا گیا ہو یعنی عمامہ محنک ہو یا شملہ دار ہو۔ 4 ۔۔۔ مسح علی العمامہ موقت ہے۔ جمہور ائمہ احادیث بالا کی تاویل کرتے ہیں : 1 ۔۔۔ یہ احادیث معلل ہیں کما قالہ الشیخ عبد الحی لکھنوی ۔ 2 ۔۔۔ امام محمد (رح) نے موطا میں فرمایا ہے کہ پہلے عمامہ پر مسح تھا پھر منسوخ ہوگیا ۔ 3 ۔۔۔ عذر کی بنا پر مسح کیا گیا تھا ۔