26992 ۔۔۔ محمد بن حنیفہ (رح) کی روایت ہے کہ میں اپنے والد ماجد حضرت علی بن ابی طالب (رض) کی خدمت میں حاضر ہوا آپ کے دائیں طرف ایک برتن پانی سے بھرا رکھا ہوا ہے برتن اٹھا کر دائیں طرف رکھ لیا پھر استنجاء کیا اور یہ دعا پڑھی : (اللھم حصن فرجی واسترعورتی ولا تشمت بی الاعداء) یا اللہ ! مجھے پاکدامنی عطا فرما میری بےپردگیوں کا ستر کرو اور دشمنوں کو مجھ سے خوش نہ کرنا پھر کلی کی اور ناک میں پانی ڈالا اور یہ دعا پڑھی۔ (اللھم لقنی حجتنی ولا تحرمنی رائحۃ الجنتہ) پھر چہرہ دھویا اور یہ دعا پڑھی۔ (اللھم بیض وجھی یوم تبیض وجوہ وتسود وجوہ) پھر دائیں ہاتھ پر پانی بہایا اور یہ دعا پڑھی : (اللھم اعطنی کتابی بیمینی والخلد بشمالی) پھر بائیں ہاتھ پر پانی بہایا اور یہ دعا پڑھی۔ (اللھم لا تعطنی کتابی بشمالی ولا تجعلھا مغلولۃ الی عنقی) پھر سر کا مسح کیا اور یہ دعا پڑھی : (اللھم غشنا برحمتک فانا نخشی عذابک اللھم لا تجمع بین نواصینا واقدامنا) پھر گردن کا مسح کیا اور یہ دعا پڑھی : (اللھم نجنا من مقطعات التیران واغلالھا) پھر پاؤں دھوئے اور یہ دعا پڑھی : (اللھم ثبت قدمی علی الصراط یوم تزل فیہ الاقدام) پھر کھڑے ہوئے اور یہ دعا پڑھی : (اللھم کما طھرتنا بالماء فطھرنا من الذنوب) پھر آپ (رض) نے ہاتھ سے یوں اشارہ کیا اور پوروں سے پانی کے قطرے ٹپکنے لگے پھر فرمایا : اے بیٹے ! ایسا ہی کرو جیسے میں نے کیا ہے سو جو قطرہ بھی انگلیوں کے پوروں سے ٹپکتا ہے اللہ تبارک وتعالیٰ اس سے ایک فرشتہ پیدا کرتا ہے جو تاقیامت اس شخص کے لیے استغفار کرتا رہتا ہے اے بیٹے ! جو شخص بھی ایسا کرتا ہے جیسا میں نے کیا ہے اس کے گناہ اس طرح گرتے ہیں جس طرح سخت آندھی کے دن درخت سے پتے گرتے ہیں (رواہ ابن عساکر فیا امالیہ وفیہ اصرم بن حوشب کان یضع الحدیث)