27071 ۔۔۔ ” مسند مقداد بن اسود “ سیدنا حضرت علی المرتضی (رض) نے حضرت مقداد (رض) کو حکم دیا کہ نبی کریم (صلی اللہ علیہ وآلہ وسلم) سے پوچھیں کہ ایک شخص ہے وہ جب اپنی بیوی کے قریب ہوتا ہے اسے مذی آجاتی ہے یہ کیا کرے ؟ چونکہ میرے نکاح میں نبی کریم (صلی اللہ علیہ وآلہ وسلم) کی بیٹی ہے میں آپ سے سوال کرتے ہوئے شرماتا ہوں ۔ مقداد (رض) کہتے ہیں میں نے اس بارے نبی کریم (صلی اللہ علیہ وآلہ وسلم) سے سوال کیا نبی کریم (صلی اللہ علیہ وآلہ وسلم) نے فرمایا : جب تم میں سے کوئی شخص یہ حالت پائے وہ شرمگاہ دھو لے اور نماز والا وضو کرے۔ (رواہ عبدالرزاق)