27105 ۔۔۔ ” ایضاء “ ابن عباس (رض) کہتے ہیں میں نے اپنی خلہ میمونہ (رض) کے ہاں رات بسر کی رات کو نبی کریم (صلی اللہ علیہ وآلہ وسلم) نماز کے لیے اٹھ کھڑے ہوئے رفع حاجت سے فارغ ہو کر چہرہ اور ہاتھ دھوئے پھر سو گئے پھر رات کو نماز کے لیے اٹھے مشکیزے کے پاس آئے مختصر مگر پورا وضو کیا پھر نماز کے لیے کھڑے ہوگئے میں نے انگڑائی لی اس بات کو ناپسند سمجھتے ہوئے کہ میں انھیں دیکھ رہا ہوں پھر میں اٹھ گیا اور ایسا ہی کیا جیسا کہ آپ نے کیا تھا میں آپ کی بائیں طرف کھڑا ہوگیا مجھے قریب والے کان سے پکڑ کر گھمایا حتی کہ میں آپ کی دائیں طرف ہوگیا آپ برابر نماز میں رہے آپ کی نماز رتیرہ (13) رکعتوں تک مکمل ہوئی ان میں دو رکعتیں فجر کی بھی تھیں۔ پھر آپ پہلو کے بل سو گئے حتی کہ خراٹے لینے لگے ۔ حتی کہ بلال (رض) آئے اور نماز کے لیے کہا آپ کھڑے ہوئے نماز پڑھی اور وضو نہیں کیا آپ کی دعا میں یہ الفاظ تھے یا اللہ نور کر دے میرے دل میں نور کر دے میری شنوائی میں نور کر دے میری سامنے نور کر دے میرے پیچھے اور مجھے نور عظیم عطا فرما۔ کریب کہتے ہیں میرے پاس چھ چیزیں اور ہیں جو صندوق میں پڑی ہیں اور وہ یہ ہیں ” نور کر دے میرے پٹھوں، دماغ، خون، بال، چمڑی اور ہڈیوں میں۔ (راوہ عبدالرزاق)