27112 ابن عباس (رض) کی روایت ہے کہ میں میمونہ (رض) کے ہاں مہمان ہواوہ اس رات نماز نہیں پڑھ رہی تھیں ۔ میمونہ (رض) نے پہلے ایک چادر لائی پھر دوسری چادر لائی اور سرہانے کے پاس رکھ دی پھر چادر اوڑھ کر لیٹ گئیں میرے لیے بھی اپنے پہلو میں ہلکا سا بستر لگا دیا تھا میں نے انہی کے سرہانے کا اپنا سرہانا بنایا اور لیٹ گیا اتنے میں نبی کریم (صلی اللہ علیہ وآلہ وسلم) عشاء کی نماز پڑھ کر تشریف لائے بستر تک پہنچے سرہانے سے ایک کپڑا لیا اس کی تہبند باندھی اور اپنے کپڑے اتا ر دیئے کپڑے لٹکا دیئے پھر میمونہ (رض) کے ساتھ لحاف میں گھس گئے رات کے آخری حصہ میں لٹکے ہوئے مشکیزہ کی طرف اٹھے اسے کھول کر اس سے وضو کیا میں نے ارادہ کیا کہ اٹھ کر آپ پر پانی بہاؤں پھر میں نے ناپسند سمجھا کہ آپ دیکھیں گے کہ میں جاگتا ہوں پھر اپنے بستر پر آئے تہبند کھول دی اور کپڑے پہن لیے پھر گھر میں نماز کے لیے مقررہ جگہ پر آئے اور نماز پڑھنے لگے میں اٹھ کھڑا ہوا وضو کیا اور آپ کی بائیں جانب آکھڑا ہوا آپ نے مجھے اپنے پیچھے سے پکڑا اور اپنی دائیں طرف کھڑا کردیا آپ کے ساتھ میں نے بھی تیرہ (13) رکعتیں پڑھیں پھر آپ گئے میں بھی آپ کے پہلو میں بیٹھ گیا۔ آپ نے اپنا رخسار میرے رخسار کے قریب کردیا حتی کہ میں سونے والے کی طرح آپ کے سانس لینے کی آوازسننے لگا۔ پھر بلال (رض) آئے اور کہا : یا رسول اللہ ! نماز کا وقت ہوچکا ہے نبی کریم (صلی اللہ علیہ وآلہ وسلم) مسجد کی طرف چل دیئے آپ نے دو رکعتیں شروع کردیں اور پھر بلال (رض) اقامت کہنے لگے (رواہ ابن النجار)