27164 ۔۔۔ ” ایضا “ سعید بن المنصور فلیح بن سلیمان کہتے ہیں : ہم نے آگ سے پکائی ہوئی چیز کے متعلق زہری سے سوال کیا ، زہری نے ہمیں اس بارے میں بہت ساری حدیثیں سنائیں جس میں وضو کا حکم دیا گیا ہے چنانچہ جن حضرات صحابہ کرام رضوان اللہ تعالیٰ عنہم اجمعین سے روایت ذکر کیں وہ یہ ہیں حضرت ابوہریرہ ، (رض) عمر بن عبدالعزیز (رض) ، خارجہ بن زید (رض) ، سعید بن خالد (رض) ، اور عبدالملک بن ابی بکر (رض) ، میں نے زہری سے کہا : یہاں ایک قریشی ہے جس کا نام عبداللہ بن محمد ہے وہ جابر بن عبداللہ (رض) سے روایت نقل کرتا ہے کہ ایک دن نبی کریم (صلی اللہ علیہ وآلہ وسلم) حضرت سعد بن ربیع (رض) کے ہاں تشریف لے گئے آپ کے صحابہ کرام رضوان اللہ تعالیٰ عنہم اجمعین کی ایک جماعت بھی تھی ان میں ایک جابر بن عبداللہ (رض) بھی تھے (جابر (رض) کہتے ہیں) ہم نے روٹی اور گوشت کھایا پھر نبی کریم (صلی اللہ علیہ وآلہ وسلم) نے ہمیں نماز پڑھائی جبکہ ہم میں سے کسی نے وضو کے لیے پانی کو چھوا تک نہیں ۔ پھر ایک مرتبہ میں سیدنا حضرت ابوبکر صدیق (رض) کے دور خلافت میں ابوبکر (رض) کے ساتھ ایک کام سے واپس لوٹے میں رات کے کھانے کی تلاش میں تھا چنانچہ کیا گیا : ہمارے ہاں اس بکری کے سوا کچھ نہیں اس نے بچہ جنم دیا ہے بکری کا دودھ دوہا گیا پھر اس کی کھیس تیار کی گئی ہم نے کھائی اور ابوبکر (رض) نے بھی کھیس کھائی پھر ابوبکر (رض) نے کہا : نبی کریم (صلی اللہ علیہ وآلہ وسلم) نے فرمایا : ہے جب مال آئے گا میں تمہیں اتنا اتنا اور اتنا مال دوں گا چنانچہ جب ابوبکر (رض) کے پاس مال آیا آپ (رض) نے تین مرتبہ لپ بھر بھر کردیا ، پھر آپ (رض) نماز کے لیے تشریف لے گئے اور لوگوں کو نماز پڑھائی جبکہ آپ (رض) نے پانی چھوا تک نہیں اور میں نے بھی پانی چھوا تک نہیں ۔ سیدنا حضرت عمر بن خطاب (رض) اپنے دور خلافت میں بسا اوقات ہمارے لیے بڑے پیالے میں کھانا رکھتے ہم روٹی اور گوشت کھاتے پھر آپ (رض) نماز کے لیے تشریف لے جاتے ہم آپ کے ساتھ نماز پڑھتے جبکہ ہم میں سے کوئی شخص وضو کے لیے پانی کو مس تک نہیں کرتا تھا ، زہری کہنے لگے : اگر تم چاہو تو میں تمہیں اسی طرح اور حدیث سناؤں چنانچہ مجھے علی بن عبداللہ بن عباس (رض) نے حضرت عبداللہ بن عباس (رض) کی حدیث سنائی کہ نبی کریم (صلی اللہ علیہ وآلہ وسلم) نے گوشت کا ایک ٹکڑا (عضو) تناول فرمایا، پھر نماز پڑھی اور وضو نہیں کیا ، اسی طرح مجھے جعفر بن عمرو بن امیہ ضمری نے اپنے والد کی حدیث سنائی ہے کہ انھوں نے نبی کریم (صلی اللہ علیہ وآلہ وسلم) کو ایک عضو (بکری کی دستی یا شانہ) تناول فرماتے دیکھا پھر نماز پڑھی اور وضو نہیں کیا ہم نے کہا : اس کے بعد کیا ہوا ؟ کہا : کچھ ہوا اور اس کے بعد بھی کچھ ہوا ۔ (رواہ سعید بن المنصور)