27305 ۔۔۔ یحییٰ بن عبدالرحمن بن حاطب اپنے والد سے روایت نقل کرتے ہیں کہ سیدنا حضرت عمر بن خطاب (رض) نے مسافروں کی ایک جماعت کے ساتھ عمرہ کیا ان میں حضرت عمرو بن العاص (رض) بھی تھے راستے ہی میں عمر (رض) نے پچھلے پہر پڑاؤ کیا اور آپ (رض) کو احتلام ہوا ، قریب تھا کہ صبح ہوجاتی آپ نے مسافروں کے پاس پانی نہ پایا آپ نے وہاں سے کوچ کردیا ۔ حتی کہ پانی کے پاس پہنچے عمر (رض) نے کپڑوں پر لگی ہوئی منی جو دکھائی دیتی تھی اسے دھونا شروع کیا حتی کہ صبح کی سفیدی اچھی طرح پھیل گئی حضرت عمرو بن العاص (رض) نے آپ (رض) سے کہا : آپ نے صبر کردی حالانکہ ہمارے پاس کپڑے ہیں ، آپ اپنے کپڑے چھوڑ دیں بعد میں دھو لیے جائیں گے ، سیدنا حضرت عمر بن خطاب (رض) نے فرمایا : اے ابن العاص ! بڑے تعجب کی بات ہے اگر تمہارے پاس کپڑے ہیں تو کیا سب مسلمانوں کے پاس کپڑے ہیں ، بخدا ، اگر میں ایسا کرتا تو سنت بن جاتی بلکہ میں تو دکھائی دینے والی منی دھوؤں گا اور جو نظر نہ آئے گی اس پر پانی کے چھینٹے مار لوں گا ۔ (رواہ مالک وابن وھب وعبدالرزاق و سعید بن المنصور والطحاوی ورواہ ابن وھب فی مسندہ)