27308 ۔۔۔ ابن جریر کی روایت ہے کہ مجھے اہل مدینہ کے ایک شخص نے حدیث سنائی ہے اور کہا ہے یہ حدیث ہمارے نزدیک ثابت شدہ ہے کہ سیدنا حضرت عمر بن خطاب (رض) ہر ہفتہ دو مرتبہ سوار ہو کر باہر تشریف لے جاتے تھے ایک مرتبہ مہاجرین یتامی کے اموال کو دیکھنے کے لیے اور دوسری مرتبہ لوگوں کے غلاموں کو دیکھنے کے لیے ، چنانچہ ایک دن اسی سلسلہ میں آپ مقام صرف پہنچے ، شلوار میں ہاتھ ڈال کر دیکھا اور کچھ محسوس ہوا فرمایا میرا خیال ہے کہ میں نے جنابت کی حالت میں نماز پڑھ لی ہے ہم جب چربی کھالیتے ہیں تو ہماری رگیں نرم ہوجاتی ہیں پھر آپ (رض) نے غسل کیا اور صبح کی نماز (دوبارہ) پڑھی جب کہ آپ (رض) نے لوگوں کو نماز لوٹانے کا حکم نہیں دیا ۔