27313 ۔۔۔ ” مسند جون بن قتادہ تیممی “ جون بن قتادہ کی روایت ہے کہ ہم نبی کریم (صلی اللہ علیہ وآلہ وسلم) کے ساتھ ایک سفر میں تھے آپ کا صحابی ایک جگہ لٹکے ہوئے مشکیزے کے پاس سے گزرا مشکیزے میں پانی تھا صحابہ کرام رضوان اللہ تعالیٰ عنہم اجمعین نے پانی پینا چاہا ۔ مشکیزے کے مالک نے کہا : یہ مردار کے چمڑے سے بنایا گیا ہے صحابی رک گیا حتی کہ جب نبی کریم (صلی اللہ علیہ وآلہ وسلم) اس جگہ پہنچے تو آپ سے اس کا تذکرہ کیا ، آپ نے فرمایا : پانی پیو چونکہ دباغت چمڑے کو پاک کردیتی ہے۔ (رواہ ابن مندہ وابن عساکر وقال ھکذا حدث ھیشم بھذا الحدیث لم یجاوزبہ جون بن قتادۃ ولیس لجوف صحبۃ، ورواہ ھشیم فقال عن جون عن سلمۃ بنالمحیق)