27370 ۔۔۔ ابو سلمہ حضرت عائشہ (رض) اور نافع عن ابن عمر سے حضرت عمر (رض) کی روایت نقل کرتے ہیں آپ نے نبی کریم (صلی اللہ علیہ وآلہ وسلم) سے غسل جنابت کے متعلق سوال کیا آپ نے فرمایا : دائیں ہاتھ پر دو مرتبہ پانی ڈالے پھر دایاں ہاتھ برتن میں ڈالے پھر دائیں ہاتھ سے شرمگاہ پر پانی ڈالے اور بائیں ہاتھ سے اسے دھولے حتی کہ صاف کرلے پھر اپنا بایاں ہاتھ مٹی پر رکھے اگر چاہے پھر بائیں ہاتھ پر پانی ڈالے حتی کہ اسے صاف کرلے پھر اپنا ہاتھ تین بار دھوئے پھر تین بار کلی کرے تین بار ناک میں پانی ڈالے تین بار چہرہ دھوئے تین بار بازو دھوئے جب سر پر پہنچے مسح نہ کرے بلکہ سر پر پانی ڈالے پس ایسے ہی تھا نبی کریم (صلی اللہ علیہ وآلہ وسلم) کا غسل جیسا کہ ذکر کیا گیا۔ (رواہ ابن عساکر)