27405 ۔۔۔ عبدالرحمن بن حاطب کی روایت ہے کہ انھوں نے سیدنا حضرت عمر بن خطاب (رض) کے ساتھ عمرہ کیا دوران سفر سیدنا حضرت عمر بن خطاب (رض) نے راستے میں ایک جگہ رات کے پچھلے پہر پڑاؤ کیا یہ جگہ پانی سے قریب تھی آپ (رض) کو احتلام ہوگیا جب بیدار ہوئے فرمایا ۔ مجھے بتاؤ ہم پانی پاسکتے ہیں طلوع آفتاب سے پہلے پہلے ؟ لوگوں نے کہا جی ہاں ! چنانچہ جلدی سے وہاں سے چل دیئے حتی کہ پانی تک پہنچ گئے آپ (رض) نے غسل کیا اور پھر نماز پڑھی (رواہ عبدالرزاق)