27419 ۔۔۔ سیدنا حضرت عمر بن خطاب (رض) نے فرمایا : مومن کے لیے حلال نہیں کہ وہ تہبند کے بغیر حمام میں داخل ہو او کسی مومن عورت کے لیے حمام میں داخل ہونا حلال نہیں البتہ جو عورت بیمار ہو وہ داخل ہوسکتی ہے میں عائشہ (رض) کو کہتے سنا ہے کہ نبی کریم (صلی اللہ علیہ وآلہ وسلم) نے فرمایا جو عورت اپنے گھر کے علاوہ کسی اور گھر میں اوڑھنی اتارے اس نے اپنے اور اپنے رب کے درمیان قائم حجاب کو چاک کیا ۔ (رواہ البیھقی فی شعب الایمان وھو منقطع)