27485 ۔۔۔ ایوب بن ابی یزید مدنی روایت کی ہے کہ مجھے شہر جار کے شکاریوں میں سے ایک شخص نے حدیث سنائی اور وہ اہل مدینہ میں سے تھا، ان شکاریوں کو مقام جار سے وظیفہ دیا جاتا تھا ۔ اس نے بکھرے ہوئے دانے پائے سیدنا حضرت عمر بن خطاب (رض) نے دانے چننا شروع کردیئے ، حتی کہ ایک مد کے برابر دانے جمع کرلیے آپ (رض) نے فرمایا : میں تمہیں اس لاپروائی میں نہ دیکھوں چونکہ یہ دانے ایک مسلمان شخص کے لیے خوراک ہیں حتی کہ رات کی خوراک کے لیے بھی کافی ہیں ، وہ شخص کہتا ہے میں نے عرض کیا : اے امیر المؤمنین اگر آپ سوار ہو کر ہمارے ساتھ جائیں تاکہ دیکھیں کہ ہم کیسے شکار کرتے ہیں چنانچہ عمر (رض) ان کے ساتھ چل پڑے اور شکاریوں نے شکار کرنا شروع کردیا ، سیدنا حضرت عمر بن خطاب (رض) نے فرمایا : بخدا ! میں نے آج کے دن جو حلال وپاک کمائی دیکھی ہے وہ کبھی نہیں دیکھی ، پھر ہم نے آپ (رض) کے لیے کھانا تیار کیا ، میں نے عرض کیا : امیر المؤمنین ! اگر آپ چاہیں تو ہم آپ کو دودھ پلائیں اگر آپ چاہیں تو آپ کو پانی پلائیں جبکہ دودھ پلانا ہمارے لیے زیادہ آسان ہے چونکہ ہم فلاں فلاں جگہ سے میٹھا پانی لاتے ہیں ، آپ (رض) نے کھانا کھایا پھر جس چیز کی خواہش کی وہ ہم نے پیش کی ہم نے عرض کیا : امیر المؤمنین ! ہم اپنی مشقت کے پیش نظر تھوڑا سا پانی اپنے پاس رکھتے ہیں اور وضو سمندر کے پانی سے کرتے ہیں آپ (رض) نے فرمایا : سبحان اللہ ! بھلا سمندر کے پانی سے زیادہ پاکیزہ پانی اور کون سا ہوسکتا ہے ۔۔ (عبدالرزاق)