27536 ۔۔۔ اسلم کی روایت ہے کہ جب ہم ملک شام میں تھے میں پانی لے کر سیدنا حضرت عمر بن خطاب (رض) کی خدمت میں حاضر ہوا آپ (رض) نے پانی سے وضو کیا اور فرمایا : یہ پانی تم نے کہاں سے لیا ہے میں نے ایسا میٹھا اور عمدہ پانی حتی کہ آسمان کا پانی بھی نہیں دیکھا ؟ میں نے عرض کیا : میں یہ پانی اس بوڑھی نصرانیہ کے گھر سے لایا ہوں جب آپ (رض) نے وضو کیا اس بڑھیا کے پاس آئے اور فرمایا : اے بڑھیا اسلام قبول کرو اللہ تعالیٰ نے محمد کو برحق نبی بنا کر مبعوث کیا ہے ، بڑھیا نے اپنے سر سے کپڑا جو ہٹایا کیا دیکھتے ہیں کہ بالکل سفید ہوچکا ہے بڑھیا بولی : میں بہت بوڑھی ہوچکی ہوں میں تو ابھی مرجاؤں گی ، سیدنا حضرت عمر بن خطاب (رض) نے فرمایا : یا اللہ ! گواہ رہنا ۔ (رواہ الدارقطنی وابن عساکر)