27758 ۔۔۔ ” مسند علی “ ابو یوسف ، ابوحنیفہ ، حماد ، سعید بن جبیر (رض) کے سلسلہ سند سے حضرت عبداللہ بن عباس (رض) کی روایت ہے کہ آپ (رض) نے فرمایا : مستحاضہ اپنے ایام حیض میں نماز پڑھنا چھوڑے دے اور جب دن گزر جائیں غسل کرے ظہر کی نماز موخر کرے اور عصر کی نماز مقدم کرے اور ایک غسل سے یہ دونوں نماز پڑھ لے پھر مغرب کی نماز موخر کرے اور عشاء کی نماز مقدم کرے پھر ایک غسل سے یہ دونوں نمازیں پڑھ لے پھر فجر کے لیے غسل کرے اور نماز پڑھ لے ۔ (رواہ ابو عروبۃ الحرانی فی مسند القاضی ابی یوسف)