27761 ۔۔۔ حضرت عائشۃ صدیقہ (رض) فرماتی ہیں کہ حضرت اسماء بنت شکل (رض) نبی کریم (صلی اللہ علیہ وآلہ وسلم) کی خدمت میں حاضر ہوئی بولی یا رسول اللہ ! جب ہم میں سے کوئی عورت حیض سے پاک ہوجائے وہ کس طرح غسل کرے ؟ آپ (صلی اللہ علیہ وآلہ وسلم) نے فرمایا : وہ عورت بیری کے پتے اور پانی لے کر پہلے وضو کرکے سر دھوئے بالوں کو رگڑے تاکہ جڑوں تک پانی پہنچ جائے پھر اپنے جسم پر پانی بہائے پھر روئی لے کر (اس میں خوشبو لگائے اور) پاکی حاصل کرے اسماء (رض) نے عرض کیا : یا رسول اللہ (صلی اللہ علیہ وآلہ وسلم) میں روئی سے کیسے پاکی حاصل کروں ؟ فرمایا بس اس سے پاکی حاصل کرو حضرت عائشۃ صدیقہ (رض) کہتی ہیں میں آپ (صلی اللہ علیہ وآلہ وسلم) کے اشارے کو سمجھ گئی اور میں نے اسماء سے کہا ۔ (روئی اندام نہانی میں رکھ کر خون کے اثر کو ختم کرو) ۔۔ (رواہ سعید بن المنصور وابن ابی شیبۃ)