27893 ۔۔۔ حضرت عبداللہ بن عمرو (رض) روایت کی ہے کہ ایک شخص سیدنا حضرت عمر بن خطاب (رض) کے پاس آیا اور بولا میں نے اپنی بیوی کو طلاق دی ہے دراں حالیکہ وہ حائضہ تھی ۔ سیدنا حضرت عمر بن خطاب (رض) نے فرمایا : تو نے اللہ تبارک وتعالیٰ کی نافرمانی کی اور اپنی بیوی کو جدا کردیا وہ شخص بولا رسول کریم (صلی اللہ علیہ وآلہ وسلم) نے تو حضرت عبداللہ بن عمرو (رض) کو بیوی سے رجوع کرنے کا حکم دیا تھا (لہذا یہ حق مجھے بھی ملنا چاہیے) سیدنا حضرت عمر بن خطاب (رض) نے فرمایا : حضرت عبداللہ بن عمرو (رض) کے پاس ابھی طلاق باقی تھی تب اسے رجوع کا حکم دیا تھا جبکہ تمہارے پاس کوئی طلاق باقی نہیں رہی تم کیونکر رجوع کرو گے ۔ (رواہ البیہقی)