27895 ۔۔۔ عطابن ابی رباح روایت کی ہے کہ ایک شخص نے اپنی بیوی سے کہا : تیری رسی تیری گردن میں ہے (یہ کنایہ لفظ ہے اس سے اگر طلاق کی نیت کی جائے تو طلاق بائین واقع ہوتی ہے اس نے یہ الفاظ کئی بار کہے پھر وہ شخص سیدنا حضرت عمر بن خطاب (رض) کے پاس آیا سیدنا حضرت عمر بن خطاب (رض) نے رکن یمانی اور مقام ابراہیم کے درمیان اس سے حلف لیا کہ تمہارا کیا ارادہ تھا ؟ اس نے کہا میں نے طلاق کا ارادہ کیا ہے چنانچہ عمر (رض) نے دونوں کے درمیان تفریق کردی ۔ (رواہ سعید بن المنصور والبیہقی)