27900 ۔۔۔ حضرت عبداللہ بن مسعود (رض) کے پاس ایک شخص آیا اور کہا : میرا بیوی سے نزاع ہوگیا جس طرح لوگوں کے درمیان ہوتا ہے۔ بیوی نے کہا : میرا معاملہ جو تیرے ہاتھ میں ہے وہ میرے ہاتھ میں ہوتا تم دیکھتے میں کیا کرتی ، میں نے کہا : جو اختیار میرے ہاتھ میں ہے وہ میں نے تجھے دے دیا ، بیوی بولی ! مجھے تین طلاقیں ہیں۔ حضرت عبداللہ بن مسعود (رض) نے فرمایا : میں اسے ایک ہی طلاق سمجھتا ہوں تم رجوع کا حق رکھتے ہو اور میں ابھی امیر المؤمنین سیدنا حضرت عمر بن خطاب (رض) سے ملاقات کرتا ہوں چنانچہ حضرت عبداللہ بن مسعود (رض) نے سیدنا حضرت عمر بن خطاب (رض) سے ملاقات کی اور سارا واقعہ سنایا عمر (رض) نے فرمایا : اللہ تعالیٰ نے مردوں کو ایک چیز کا اختیار دے رکھا ہے اور مرد اس اختیار کو عورتوں کے ہاتھ میں دے دیتے ہیں اس عورت کے منہ میں خاک بھلا تم نے کیا کہا : حضرت عبداللہ بن مسعود (رض) نے کہا : میں اسے ایک ہی طلاق سمجھتا ہوں اور مرد کو رجوع کا حق ہے ، سیدنا حضرت عمر بن خطاب (رض) نے فرمایا : میں بھی یہی سمجھتا ہوں اگر تم اس کے علاوہ کچھ اور بتاتے میں سمجھتا کہ تم نے درست جواب نہیں دیا ۔ (رواہ عبدالرزاق والبیہقی)