2792 ۔۔۔ جو شخص سورة التین والزیتون پڑھے اور اس کے ختم " الیس اللہ باحکم الحاکمین " پر پہنچے تو اس کو کہنا چاہیے " بلی و انا علی ذالک من الشاھدین " آیت کے آخر حصہ کا معنی ہے کیا اللہ حاکموں کا حاکم نہیں ہے ؟ جس کا جواب دے کیوں نہیں میں بھی اس پر شہادت دیتا ہوں کہ آپ ہی احکم الحاکمین ہیں۔ اور جو سورة قیامہ پڑھے اور آخر میں اس آیت پر پہنچے " الیس ذلک بقادر علی ان یحییٰ الموتی۔ تو کہے، بلی، آیت کے آخر حصہ کا معنی ہے کیا وہ اللہ مردوں کو زندہ کرنے پر قادر نہیں ہے ؟ تو جواب دے کیوں نہیں۔ اور جو سورة مرسلات پڑھے اور آخر میں اس آیت پر پہنچے " فبای حدیث بعدہ یومنون " تو کہے امنا باللہ۔ آیت کے آخر حصہ کا معنی ہے۔ اس بات کے سوا اور کس بات پر ایمان لاؤ گے ؟ جواب ہم اللہ پر ایمان لے آئے۔ (ابو داؤد، الصحیح للترمذی (رح) بروایت ابوہریرہ (رض))