27944 ۔۔۔ حسن روایت کی ہے کہ سیدنا حضرت عمر بن خطاب (رض) نے ابو اشعری (رض) کو خط لکھا : میں نے ارادہ کیا تھا کہ جب کوئی شخص اپنی بیوی کو تین طلاقیں دے میں اس کی تین طلاقوں کو ایک طلاق قرار دوں لیکن لوگوں نے اپنے اوپر تین طلاقیں لازم کردی ہیں (ان سے کم کا نام ہی نہیں لیتے) لہٰذا ہم بھی ہر نفس کو وہ چیز لازم کریں گے جو وہ خود اپنے اوپر لازم کرے گا ۔ جس شخص نے اپنی بیوی کو کہا : تو مجھ پر حرام ہے ، تو وہ اس پر حرام ہوگی ، اور جس نے اپنی بیوی سے کہا : تجھے تین طلاقیں ہیں۔ تو اسے تین طلاقیں ہوں گی ، (رواہ ابو نعیم فی الحلیۃ)