27961 ۔۔۔ معمر ، زہری، عبیداللہ بن عبداللہ بن عتبہ کی سند سے مروی ہے کہ عبداللہ بن عمرو بن عثمان (رض) نے اپنی بیوی کو طلاق بتہ (بائن) دے دی چنانچہ مطلقہ کی طرف اس کی خالہ فاطمہ بنت قیس نے پیغام بھیجا اور حکم دیا کہ اپنے خاوند کے گھر سے منتقل ہوجا۔ چنانچہ مروان کو اس کی خبر ہوئی اس نے مطلقہ کو پیغام بھیجا کہ اپنے گھر واپس آجا نیز پوچھا کہ تم عدت پوری ہونے سے قبل اپنے گھر سے کیوں نکلی ہو مطلقہ نے جواب میں کہلا بھیجا کہ میری خالہ فاطمہ بنت قیس (رض) نے مجھے ایسا کرنے کا فتوی دیا ہے ، اور مجھے بتایا ہے کہ اسے جب ابو عمرو بن حفص مخزومی نے طلاق دی تو رسول اللہ (صلی اللہ علیہ وآلہ وسلم) نے اسے اپنے گھر سے منتقل ہوجانے کا حکم دیا تھا ، چنانچہ مروان نے قبیصہ بن ذویب کو فاطمہ بنت قیس (رض) کے پاس بھیجا تاکہ واقعہ کی پوری طرح تحقیق کر کے لائے فاطمہ (رض) نے قبیصہ کو بتایا کہ وہ ابو عمرو بن حفص مخزومی (رض) کے نکاح میں تھی وہ کہتی ہیں کہ نبی کریم (صلی اللہ علیہ وآلہ وسلم) نے سیدنا حضرت علی المرتضی (رض) کو یمن کا امیر بنا کر بھیجا تھا اور ان کا خاوند بھی سیدنا حضرت علی المرتضی (رض) کے ساتھ تھا جاتے جاتے اس نے ایک طلاق جو باقی رہی تھی وہ بھی دے کر بھجوا دی اور عیاش بن ابی ربیعہ (رض) اور حارث بن ہشام (رض) کو نان نفقہ دینے کے لیے کہا مگر ان دونوں نے کہا : فاطمہ (رض) کے لیے نفقہ نہیں ہوسکتا الا یہ کہ وہ حاملہ ہو فاطمہ (رض) کہتی ہیں : میں نبی کریم (صلی اللہ علیہ وآلہ وسلم) کی خدمت میں حاضر ہوئی اور آپ کو حالات سے آگاہ کیا آپ نے فرمایا : تمہارے لیے نفقہ نہیں ہے الا یہ کہ تم حاملہ ہو ، فاطمہ (رض) نے آپ (صلی اللہ علیہ وآلہ وسلم) سے اپنے گھر سے منتقل ہونے کے لیے اجازت طلب کی آپ نے اجازت دے دی عرض کیا : یا رسول اللہ (صلی اللہ علیہ وآلہ وسلم) میں منتقل ہو کر کہاں جاؤں آپ نے فرمایا : ابن ام مکتوم (رض) کے پاس چلی جاؤ وہ نابینا ہے یوں تم کپڑے بھی اتار سکتی ہو اور وہ تمہیں دیکھ نہیں سکے گا چنانچہ عدت پوری ہونے تک فاطمہ (رض) وہیں رہی پھر نبی کریم (صلی اللہ علیہ وآلہ وسلم) نے حضرت اسامہ (رض) سے ان کا نکاح کرا دیا ، قبیصہ بن ذویب مروان کے پاس واپس لوٹ آیا اور ساری بات کہہ سنائی ، مروان نے کہا : میں نے یہ حدیث صرف ایک عورت سے سنی ہے جو ایسی ادا پر قائم ہے جسے لوگ بھی اپنا لیں گے ۔ فاطمہ (رض) کو جب اس کی خبر ہوئی کہا : میرے اور تمہارے درمیان کتاب اللہ ہے چنانچہ فرمان باری تعالیٰ ہے۔ ” فطلقوھن لعدتھن لاتدری لعل اللہ یحدث بعد ذالک امرا ‘ (رض) ۔ یعنی عورتوں کو عدت سے پہلے طہر میں طلاق ۔۔۔ تمہیں کیا معلوم اس کے بعد اللہ تعالیٰ کوئی نئی بات پیدا کر دے فاطمہ (رض) نے فرمایا : بھلا تین طلاقوں کے بعد کون سی نئی بات پیدا ہوگی چونکہ نئی بات سے مراد تو خاوند کا بیوی سے رجوع کرنا ہے لہٰذا لوگ کیسے کہتے ہیں کہ عورت کے لیے نفقہ نہیں ہوگا جب وہ حاملہ ہو عورت کو بغیر نففقہ کے گھر میں کیسے روکا جاسکتا ہے۔ (رواہ عبدالرزاق)