27969 ۔۔۔ نافع کی روایت ہے کہ حضرت عبداللہ بن عمرو (رض) سے ام ولد (وہ باندی جس کی مالک سے اولاد ہو) کی عدت کے متعلق دریافت کیا گیا ۔ حضرت عبداللہ بن عمرو (رض) نے فرمایا : اس کی عدت ایک حیض ہے ، ایک شخص بولا سیدنا حضرت عثمان ذوالنورین (رض) فرمایا کرتے تھے کہ ام ولد کی عدت تین حیض ہیں ، حضرت عبداللہ بن عمرو (رض) نے فرمایا : سیدنا حضرت عثمان ذوالنورین (رض) ہم سے افضل ہیں اور ہم سے زیادہ علم رکھتے ہیں۔ (رواہ البیہقی وابن عساکر)