28019 ۔۔۔ ابو ملیح بن اسامہ کہتے ہیں مجھے سہیمہ بنت عمیر شیبانیہ نے حدیث سنائی ہے کہ انھوں نے ایک غزوہ میں اپنے شوہر کو گم پایا نامعلوم ہلاک ہوگیا یا نہیں ؟ چار سال تک انتظار کرتی رہی پھر اس نے شادی کرلی : پھر اس کا پہلا خاوند لوٹ آیا حالانکہ سہیمہ شادی کرچکی تھی سہمیہ کہتی ہیں۔ میرے دونوں خاوند سوار ہو کر سیدنا حضرت عثمان ذوالنورین (رض) کی خدمت میں حاضر ہوئے آگے سیدنا حضرت عثمان ذوالنورین (رض) محصور پائے گئے چنانچہ ان دونوں نے سیدنا حضرت عثمان ذوالنورین (رض) سے مسئلہ پوچھا : آپ (رض) نے ان دونوں کو حکم دیا کہ پہلے خاوند کو بیوی اور اس کے مہر کا اختیار دیا جائے گا اور ساتھ ساتھ سیدنا حضرت عثمان ذوالنورین (رض) کا فیصلہ بھی سنا دیا ۔ سیدنا حضرت علی المرتضی (رض) نے فرمایا : فیصلہ وہی ہے جو سیدنا حضرت عثمان ذوالنورین (رض) نے کردیا ہے۔ (رواہ عبدالرزاق والبیہقی)