٢٨١۔۔ زندہ درگور کرنے والی ہو اور ہونے والی دونوں جہنم میں ہوں گی۔ الایہ کہ زندہ درگور کرنے والی بعد میں اسلام کو پالے اور اس سے وابستہ ہوجائے ۔ مسنداحمد ، النسائی، بروایت سلمہ بن یزید الجعفی سلمہ بن یزید جعفی (رض) نعہ فرماتے ہیں میں اپنے بھائی کے ساتھ بارگاہ نبوت میں حاضرہوا، اور ہم نے عرض کیا کہ ہماری والدہ ملیکہ زمانہ جاہلیت میں صلہ رحمی کیا کرتی تھیں مہمان نوازی کرتی تھیں اور اس طرح کے دیگرنیک کام انجام دیتی تھیں، وہ زمانہ جاہلیت میں انتقال کرگئیں تو کیا یہ خیر کے کام اس کے لیے کچھ سودمند ثابت ہوں گے آپ نے فرمایا نہیں۔
ہم نے مزید عرض کیا کہ زمانہ جاہلیت میں ہماری ایک بہن تھی جس کو ہماری والدہ نے زمانہ جاہلیت کے رسم کے مطابق زندہ درگور کردیا، کیا ہماری والدہ کے نیک اس گناہ کو دھودیں گے ، تب آپ نے فرمایا زندہ درگور کرنے والی اور ہونے والی دونوں جہنم میں ہیں، الایہ کہ زندہ درگور کرنے والی اسلام کو پالے اور اس سے وابستہ ہوجائے۔ قاتلہ کے جہنم جانے کے مسئلہ تو واضح ہے مگر مقتولہ زندہ درگور ہونے والی کیوں جہنم میں جائے گی اس کی وجہ زندہ درگور ہونا نہیں ہے بلکہ اس کا مدار اس مسئلہ پر ہے کیا اولاد مشرکین جہنم میں جائیں گے یا جنت میں ۔ اس بارے میں نصوص متعارض ہیں۔