28110 ۔۔۔ نہار منہ حجامت کروانا زیادہ مفید ہے اور اس میں شفا ہے برکت ہے اور یہ حافظہ میں اور عقل میں زیادتی کا سبب ہے بس اللہ تعالیٰ کی برکت کو ساتھ لے کر جمعرات کے دن سینگیاں لگواؤ اور جمعہ ہفتہ اور اتوار کو فصد سے بچو اور (دوشنبہ) پیر اور منگل (سہ شنبہ) کو سینگیاں لگواؤ اس لیے کہ یہ وہ دن ہے جس میں اللہ تبارک وتعالیٰ نے ایوب (علیہ السلام) کو عافیت دی اور بدھ (چہار شنبہ) کو حجامت سے پرہیز کرو اس لیے کہ یہ وہ دن ہے جس میں ایوب (علیہ السلام) مبتلائے مرض ہوئے اور جذام اور کوڑھ کا مرض بدھ کے دن اور بدھ کی رات میں ہی ظاہر ہوتا ہے۔ (مستدرک حاکم ابن السنی ابو نعیم عن ابن عمرو (رض))