28512 ۔۔۔ رافع بن خدیج (رض) سے مروی ہے کہ وہ انس (رض) سے نقل کرتے ہیں کہ نبی کریم (صلی اللہ علیہ وآلہ وسلم) اماں عائشہ (رض) کی پاس تشریف لائے وہ بیمار تھیں انھوں نے نبی کریم (صلی اللہ علیہ وآلہ وسلم) سے بخار کی شکایت کی اور اس کو برا بھلا کہا ! نبی کریم (صلی اللہ علیہ وآلہ وسلم) نے فرمایا بخار کو برا نہ کہو اس لیے کہ یہ مامور ہے اور لیکن اگر چاہے تو میں تجھے وہ کلمات سکھا دوں کہ جب تو ان کو پڑھے گی تو اللہ تبارک وتعالیٰ تجھ سے بخار کو دور فرما دیں گے تو یوں کہہ ۔ (اللھم ارحم عظمی الدقیق وجدی الرقیق واعوذبک من فورۃ الحریق یا ام ملدم ان کنت امنت بااللہ والیوم الاخر فلاتا کلی اللحم ولا تشربی الدم ولا تفوری علی الفم ولا تصدی الراس وانتقلی الی من زعم ان مع اللہ الھا اخر فانی اشھدن لا الہ الا اللہ وان محمدا عبدہ ورسولہ ) ۔ ترجمہ :۔۔۔ اے اللہ ! میری باریک (نازک ) ہڈی پر رحم فرما اور میری نازک کھال پر رحم فرمایا اور میں تیری پناہ لیتا ہوں آگ کے جوش سے اے ام ملدم اگر تو اللہ اور یوم آخرت پر ایمان رکھتی ہے تو گوشت نہ کھاؤاور خون نہ پی اور منہ پر جوش نہ کر اور سر کو نہ دکھا اور چلی جا اس شخٓص کی طرف جو یہ باطل گمان کرتا ہے کہ اللہ کے ساتھ کوئی اور بھی معبود ہے پس بیشک میں گواہ ہوں اس بات پر کہ اللہ کے سوا کوئی معبود نہیں اور اس بات پر کہ محمد اس کے بندے اور اس کے رسول ہیں۔ اماں عائشہ (رض) فرماتی ہیں کہ میں نے یہ کلمات کہے اور بخار مجھ سے جاتا رہا (رواہ ابو الشیخ فی الثواب) اس کی سند میں عبدالملک بن عبدربہ طائی ہے جس کے بارہ میں مغنی میں کہا ہے کہ وہ متروک ہے۔