2885:۔۔ سورة فاتحہ میں " مغضوب علیہم " جن پر غضب (خداوندی) کیا گیا سے مراد قوم یہود ہے۔ اور " الضالین " گمراہ ہوجانے والے سے مراد نصاری ہیں۔ ترمذی بروایت عدی بن حاتم (رض) ۔
تشریح : ۔۔ یہود سب کچھ جانتے ہوئے بھی ہٹ دھرمی سے انکار کرتے تھے اس وجہ سے ان پر خدا کا غضب اترا جبکہ نصاری جہالت کی وجہ سے حق سے منحرف ہوگئے، یہود کو ہٹ دھرمی کا یہ ثمرہ ملا کہ حق کی طرف ان کا آنا بہت محال ہوگیا جبکہ نصاری سے جب بھی جہالت کی دبیز تہ ہٹی وہ حق کی طرف آتے گئے۔ مذکورہ تین احادیث سورة فاتحہ سے متعلق وارد ہوئی ہیں جو مستند اسناد سے مروی ہیں۔