2888: قیامت کے روز ایک نبی آئے گا اور اس کے ساتھ فقط ایک امتی ہوگا اور کسی نبی کے ساتھ دو امتی ہوں گے اور کسی نبی کے ساتھ تین امتی ہوں گے۔ اور کسی کے ساتھ اس سے زیادہ ہوں گے پس اس نبی سے کہا جائے گا کیا تم نے اپنی قوم کو پیغام پہنچا دیا تھا ؟ وہ کہے گا جی ہاں، پھر اس کی قوم کو بلایا جائے گا۔ ان سے پوچھا جائے گا : کیا تم کو اس نے پیغام پہنچا دیا تھا ؟ وہ کہیں گے نہیں۔ تب پیغمبر سے پوچھا جائے گا کہ تمہارا کون گواہ ہے ؟ وہ کہے گا : محمد (صلی اللہ علیہ وآلہ وسلم) اور اس کی امت۔ پس محمد (صلی اللہ علیہ وآلہ وسلم) اور اس کی امت کو بلایا جائے گا۔ ان سے پوچھا جائے گا کیا اس پیغمبر نے قوم تک پیغام خداوندی پہنچا دیا تھا ؟ امت محمدیہ عرض کرے گی جی اں ! امت محمدیہ سے پوچھا جائے گا : تمہیں اس بات کا کیسے علم نے اپنی قوم تک پیغام خداوندی پہنچا دیا تھا ؟ امت محمدیہ عرض کرے گی جی ہاں ! امت محمدیہ سے پوچھا جائے گا : تمہیں اس بات کا کیسے علم ہوا ؟ وہ کہیں گے ہمارے نبی نے ہمیں خبر دی تھی کہ تمام رسولوں نے اپنی قوموں تک پیغام خداوندی پہنچا دیا ہے۔ لہٰذا ہم نے اپنے پیغمبر (محمد (صلی اللہ علیہ وآلہ وسلم) ) کی تصدیق کی۔ پس یہی اس فرمانِ باری (وکذلک جعلناکم) کا مطلب ہے۔ (مسند احمد، نسائی، ابن ماجہ بروایت ابو سعید خدری (رض))