29023 ۔۔۔ قیامت کے دن ایک شخص لایا جائے گا اور دوزخ میں پھینک دیا جائے گا وہ دوزخ میں شدت اضطراب سے گھومے گا جس طرح گدھا چکی کے گرد گھومتا ہے اہل دوزخ اس کے اردگرد جمع ہوجائیں گے اور کہیں گے اسے فلاں ! تجھے کیا ہوا ؟ کیا تو ہمیں امر بالعروف اور نہی عن المنکر نہیں کرتا تھا ۔ کہے گا جی ہاں میں اچھی باتوں کا حکم دیتا تھا اور خود اچھی باتوں سے باز رہتا تھا بری باتوں سے تمہیں روکتا تھا اور خود برائیوں کا ارتکاب کرتا تھا ۔ (رواہ احمد حنبل والبخاری ومسلم عن اسامۃ بن زید)