29106 ۔۔۔ معراج والی رات میں ایسی قوم کے پاس سے گزرا کہ ان کے ہونٹ آگ کی بنی ہوئی قینچیوں سے کاٹے جاتے تھے میں نے حضرت جبرائیل (علیہ السلام) سے پوچھا : یہ کون لوگ ہیں ؟ انھوں نے جواب دیا یہ اہل دنیا کے خطباء ہیں جو لوگوں کو بھلائی کا حکم دیتے تھے اور اپنے آپکو بھول جاتے تھے ، وہ قرآن کی تلاوت کرتے تھے لیکن عقل نہیں رکھتے تھے۔ (رواہ ابو داؤد الطیاسی احمد بن حنبل وعبد بن حمید الطبرانی فی الاوسط ابو نعیم فی الحلیۃ سعید بن المنصور عن انس (رض))