2912: جب پروردگار عزوجل کسی بندہ سے محبت فرماتے ہیں تو جبرائیل کو فرماتے ہیں :
میں فلاں شخص کو محبوب رکھتا ہوں تم بھی اس سے محبت رکھو۔ چنانچہ حضرت جبرائیل (علیہ السلام) آسمان میں اعلان کرتے ہیں۔ پھر اس کی محبت زمین والوں (کے دلوں) میں اترجاتی ہے۔ پس یہی فرمان باری عز اسمہ :
ان الذین امنوا وعملوا الصالحات سیجعل لہم الرحمن ودا۔ مریم : 96 ۔
بےشک جو لوگ ایمان لائے اور عمل نیک کیے خدا ان کی محبت (مخلوقات کے دل میں) پیدا کردے گا۔
آگے فرمایا : اور جب اللہ تعالیٰ کسی بندے سے نفرت فرماتے ہیں تو جبرائیل (علیہ السلام) کو فرماتے ہیں : میں فلاں شخص سے بغض رکھتا ہوں۔
چنانچہ حضرت جبرائیل (علیہ السلام) آسمان میں اس کا اعلان فرما دیتے ہیں۔ جس کی وجہ سے زمین (والوں کے دلوں میں) اس سے نفرت پیدا ہوجاتی ہے۔ ترمذی بروایت بوہریرہ (رض) ۔