2917: سورة القصص : میں نے جبرائیل (علیہ السلام) سے سوال کیا کہ موسیٰ (علیہ السلام) نے کونسی مدت پوری کی تھی ؟ فرمایا : دونوں میں سے کامل اور تام۔ (مسند ابی یعلی، مستدرک الحاکم بروایت ابن عباس (رض)۔
تشریح : سورة القصص میں آیت 22 سے 28 تک میں اس واقعہ کا ذکر ہے جس کی طرف حدیث میں اشارہ ہے۔ جس کا خلاصہ یہ ہے کہ حضرت شعیب (علیہ السلام) نے اپنی ایک بیٹی کا نکاح حضرت موسیٰ (علیہ السلام) سے اس مہر پر کردیا تھا کہ تم آٹھ سال تک میرا کام کاج کروگے۔ اور اگر تم دس سال پورے کردو تو تمہاری مرضی میری طرف سے کوئی دباؤ نہیں۔ لہٰذا حضرت موسیٰ (علیہ السلام) نے دس سال پورے فرمائے۔