29251 ۔۔۔ جس شخص نے مجھ پر جان بوجھ کر جھوٹ بولا وہ اپنی آنکھوں کے سامنے دوزخ میں ٹھکانا بنا لے صحابہ کرام (رض) نے عرض کیا : نبی کریم (صلی اللہ علیہ وآلہ وسلم) ہم آپ کی حدیثیں بیان کرتے ہیں جن میں کمی زیادتی ہوجاتی ہے ؟ ارشاد فرمایا : میری مراد یہ نہیں ہے میری مراد یہ ہے کہ اسلام کو بدنام کرنے کے لیے کوئی شخص مجھ پر جھوٹ بول کر حدیث بیان کرے۔ صحابہ کرام (رض) نے عرض کیا : کیا دوزخ کی بھی آنکھ ہوئی ہے ؟ فرمایا : جی ہاں فرمان باری تعالیٰ ہے ” اذا رائتھم من مکان بعید “ جب دوزخ انھیں دور سے دیکھ لے گی چنانچہ دوزخ تبھی دیکھے گی جب اس کی آنکھیں ہوں گی۔ (رواہ الطبرانی وابن مردویہ عن ابی امامۃ) ۔ کلام :۔۔۔ حدیث ضعیف ہے دیکھئے الا باطیل 87 ۔