29380 ۔۔۔ محمد بن ابی قتلہ روایت کی ہے کہ ایک شخص نے ابن عمر (رض) کو خط لکھا اور علم کے متعلق سوال کیا ابن عمر (رض) نے جواب میں لکھا : تم نے مجھ سے علم کے متعلق سوال کیا ہے علم کی شان اس سے بہت اعلی ہے کہ میں اس کے متعلق کچھ لکھوں البتہ اگر تم سے ہو سکے کہ اللہ تعالیٰ سے اس حال میں ملاقات کرو کہ تمہاری زبان مسلمانوں کی عزتیں اچھالنے سے محفوظ رہے اور تمہاری کمر لوگوں کے خون سے ہلکی اور خفیف ہو اور تمہارا پیٹ لوگوں کے مال سے خالی ہو اور جماعت کے ساتھ لازم رہو تو ایسا ضرور کرو ۔ (رواہ ابن عساکر)