29388 ۔۔۔ ابن وھب ، عقبہ بن نافع ، اسحاق بن اسید ، ابو مالک وابو اسحاق کی سند سے سیدنا حضرت علی المرتضی (رض) روایت کی ہے کہ نبی کریم (صلی اللہ علیہ وآلہ وسلم) نے فرمایا : کیا میں تمہیں حقیقی عالم کے متعلق نہ بتاؤں ؟ صحابہ کرام رضوان اللہ تعالیٰ عنہم اجمعین نے عرض کیا : ضرور بتائیں ، فرمایا حقیقی عالم وہ ہے جو لوگوں کو اللہ تبارک وتعالیٰ کی رحمت سے مایوس نہ کرتا ہو ، انھیں اللہ تبارک وتعالیٰ کے عذاب سے بےخوف نہ کرتا ہو ، دوسری چیزوں میں رغبت کرکے قرآن کو نہ چھوڑتا ہو ، خبردار اس عبادت میں کوئی بھلائی نہیں جو علم کے بغیر ہو اس علم میں کوئی خیر نہیں جو سمجھ بوجھ کے بغیر ہو اس قرآت میں بھی کوئی بھلائی نہیں جو تدبر کے بغیر ہو ۔ (رواہ العسکری فی المواعظ وابن لال والدیمی وابن عبدالبر فی العلم وقال لا یاتی ھذا الحدیث مرفوعا الا من ھذا لوجہ اکثرھم یوقفون علی علی (رض)) ۔ کلام : ۔۔۔ حدیث ضعیف ہے دیکھئے الضعیفۃ 734 ۔