29434 ۔۔۔ ’ مسند علی (رض) “ عمیر بن سعید روایت کی ہے کہ میں نے سیدنا حضرت علی المرتضی (رض) کو فرماتے سنا آپ (رض) بتا رہے تھے کہ اس ” زہرہ “ کو عرب زہرہ کا نام دیتے ہیں جب کہ عجمی لوگ اسے ” اناہید “ کا نام دیتے ہیں ، چنانچہ دو فرشتے تھے اور وہ لوگوں کے درمیان فیصلے کرتے تھے زہرہ ایک عورت تھی وہ ان فرشتوں کے پاس آئی ان دونوں کے دل میں خیال پیدا ہوا اور ہر ایک نے دوسرے سے اسے چھپانا چاہا ایک نے دوسرے سے کہا : اے میرے بھائی میرے دل میں ایک خیال پیدا ہوا ہے میں تجھ سے ذکر کرنا چاہتا ہوں ، دوسرا بولا اے میرے بھائی کہو شاید میرے دل میں بھی یہی بات آئی ہو۔ چنانچہ دونوں کا اس پر اتفاق ہوگیا عورت نے کہا : کیا تم مجھے نہیں بتاتے کہ تم کون سی چیز کے ذریعے آسمان کی طرف چڑھتے ہو اور کس چیز کے ذریعہ آسمان سے نیچے زمین کی طرف اترتے ہو ۔ دونوں نے کہا :” بسم اللہ الاعظم “ کی وجہ سے ہم آسمانوں پر جاتے ہیں اور آسمانوں سے نیچے آتے ہیں ، عورت بولی ! میں تمہارے ارادے کی اس وقت تک موافقت نہیں کروں گی جب تک تم مجھے یہ علم نہیں سکھاؤ گے ، ایک نے دوسرے کہا : اسے علم سکھا دو دوسرے نے کہا : ہم اللہ تعالیٰ کے عذاب کی شدت کیسے برداشت کریں گے دوسرا بولا ہمیں اللہ تعالیٰ کی وسیع رحمت کی امید ہے چنانچہ فرشتے نے عورت کو علم سکھا دیا عورت نے اس علم کو پڑھا اور وہ آسمان میں پرواز کرگئی اس پر فرشتے کو سخت گھبراہٹ ہوئی اس نے اپنا سر جھکا لیا اور فکر مند ہوگیا چنانچہ اللہ تعالیٰ نے عورت کو مسح کر کے ستارہ بنادیا ۔ (رواہ ابن راھویہ وعبد بن حمید وابن ابی الدنیا فی العقوبات وابن جریر وابو الشیخ فی العطمۃ والحاکم)