29497 ۔۔۔ ” ایضا “ صیفی بن صہیب کی روایت ہے کہ ہم نے اپنے والد سے کہا اے اباجان ! جس طرح رسول اللہ (صلی اللہ علیہ وآلہ وسلم) کے صحابہ کرام رضوان اللہ تعالیٰ عنہم اجمعین احادیث بیان کرتے ہیں آپ کیوں نہیں کرتے ؟ انھوں نے جواب دیا : میں نے بھی صحابہ کرام رضوان اللہ تعالیٰ عنہم اجمعین کی طرح احادیث سنی ہیں ، البتہ مجھے یہ ابت حدیث بیان کرنے سے روک رہی ہے کہ میں نے آپ (صلی اللہ علیہ وآلہ وسلم) کو فرماتے سنا کہ جو شخص جان بوجھ کر مجھ پر جھوٹ بولے گا قیامت کے دن اسے جو کے کونوں میں گرہ لگانے پر مجبور کیا جائے گا اور وہ کسی طرح ایسا نہیں کر پائے گا میں نے آپ کو یہ بھی فرماتے سنا ہے کہ جس شخص نے کسی عورت سے نکاح کیا اور اس کی نیت میں ہے کہ وہ اس کا مہر نہیں ادا کرے گا تو وہ زانی ہو کر رب تعالیٰ سے ملاقات کرے گا یہاں تک کہ وہ توبہ نہ کرلے ۔ میں نے رسول اللہ (صلی اللہ علیہ وآلہ وسلم) کو فرماتے سنا ہے کہ جس شخص نے قرض لیا اور اس کی نیت قرض ادا نہ کرنے کی ہو تو وہ اللہ تعالیٰ سے چور کی حالت میں ملاقات کرے گا یہاں تک کہ وہ توبہ نہ کرے۔ (رواہ ابن عساکر)