2969: تیرے رب نے فرمایا ہے : اے ابن آدم ! تجھ پر سورة فاتحہ کی سات آیات نازل کی گئی ہیں۔ تین میرے لیے ہیں اور تین تیرے لیے جبکہ ایک آیت میرے اور تیرے درمیان ہے۔
الحمد للہ رب العالمین۔ الرحمن الرحیم۔ ملک یوم الدین میرے لیے ہیں اور ایاک نعبد وایاک نستعین میرے اور تیرے درمیان ہے، تیری طرف سے تو عبادت ہے اور مجھ پر تیری مدد لازم ہے۔ اور اھدنا الصراط المستقیم، صراط الذین انعمت علیہم، غیر المغضوب علیہم ولا الضالین تیرے لیے ہیں۔ الامام الطبرانی فی الصغیر، بروایت ابی بن کعب (رض)۔