29698 ۔۔۔ یحییٰ بن عبدالرحمن بن حاطب روایت کی ہے کہ ایک مرتبہ حضرت زبیر بن عوام (رض) خیبر تشریف لائے وہاں آپ (رض) نے کچھ لڑکے دیکھے ان کے ہونٹ سیاہی پلائے ہوئے تھے آپ (رض) کو ان کی یہ ہئیت دیکھ کر تعجب ہوا اور آپ (رض) نے ان کے متعلق سوال کیا آپ (رض) کو جواب دیا گیا کہ یہ رافع بن خدیج (رض) کے آزاد کردہ غلام ہیں ان کی ماں آزاد کردہ باندی ہے اور وہ بھی رافع بن خدیج (رض) کی آزاد کردہ ہے ، جبکہ ان کا باپ اشجع (رض) کو اپنے پاس بلایا اور ان سے غلام خرید کر آزاد کردیا پھر آپ (رض) نے اس کے بیٹوں سے کہا اب تم میری طرف اپنی نسبت کرو چونکہ تم میرے آزاد کردہ غلام ہو ، حضرات رافع (رض) نے کہا : بلکہ یہ میرے آزاد کردہ غلام ہیں ، چونکہ ان کی ماں میری آزاد کردہ باندی ہے اور ان کا باپ میرا غلام رہا ۔ دونوں حضرات یہی کیس لے کر سیدنا حضرت عثمان ذوالنورین (رض) کی خدمت میں حاضر ہوئے چنانچہ آپ (رض) نے زبیر (رض) کے لیے حق ولاء کا فیصلہ کیا (رواہ البیہقی فی السنن بیہقی کہتے ہیں سیدنا حضرت عثمان ذوالنورین (رض) سے مروی یہی روایت مشہور ہے جبکہ یہی روایت زہری عن عثمان کے طریق سے بھی مروی ہے اور یہ متذکرہ بالا روایت کے خلاف ہے اور منقطع ہے تفصیل اس کی یہ ہے کہ حضرت زبیر (رض) مدینہ تشریف لائے وہاں کچھ لڑکے دیکھے جنہیں دے کر کر آپ (رض) کو تعجب ہوا ان کے متعلق سوال کیا آپ (رض) کو بتایا گیا کہ یہ بنو حارثہ کے آزاد کردہ غلام ہیں جبکہ ان کی ماں بنو حارثہ کی آزاد کردہ باندی ہے اور ان کا باپ غلام ہے حضرت زبیر (رض) نے ان کے باپ کو پیغام بجھوا کر اپنے پاس منگوایا پھر اسے خرید کر آزاد کردیا اب حق ولاء کا مسئلہ کھڑا ہوا حضرت زبیر (رض) حق ولاء کے مدعی تھے جبکہ بنو حارثہ بھی حق ولاء کا دعوی کر رہے تھے دونوں فریق سیدنا حضرت عثمان ذوالنورین (رض) کے پاس قضیہ لے کر حاضر ہوگئے سیدنا حضرت عثمان ذوالنورین (رض) نے بنو حارثہ کے لیے حق ولاء کا فیصلہ کیا نیز آپ (رض) نے فرمایا ! حق ولاء کو نہیں کھینچا جاتا ، بیہقی (رح) کہتے ہیں : سیدنا حضرت عثمان ذوالنورین (رض) کی پہلی روایت اصح ہے چونکہ اس کے شواہد بھی ہیں جبکہ زہری کی مراسیل ردی ہیں)