29718 ۔۔۔ ابو ملیکہ کی روایت ہے کہ جب حضرت عائشہ صدیقۃ (رض) نے بریرہ (رض) کا سودا کرنا چاہا تو حضرت عائشہ صدیقۃ (رض) نے کہا : میں اسے آزاد کروں کی مالکان نے کہا : آپ ہمارے لیے بریرہ کے حق ولاء کی شرط لگا دیں جب نبی کریم (صلی اللہ علیہ وآلہ وسلم) گھر تشریف لائے حضرت عائشہ صدیقۃ (رض) نے اس کا تذکرہ کیا آپ نے فرمایا جی ہاں ان کے لیے شرط لگا دو ولاء تو اس کا حق جو غلام کو آزاد کرتا ہے۔ پھر آپ (صلی اللہ علیہ وآلہ وسلم) نے کھڑے ہو کر لوگوں سے خطاب کیا اور فرمایا : یہ کیسی شرط ہے حالانکہ قبل ازیں اللہ تعالیٰ کا حق ہوچکا ہے جو شخص غلام کو آزاد کرتا ہے ولاء کا حق بھی اسی کا ہے۔ (رواہ عبدالرزاق)